【娛樂熱話】《中年好聲音 2 紅白大戰》｜三位型男妖到爆 搞笑技能大解鎖！

將於今個星期播出的《中年好聲音 2 紅白大戰》除有 18 位《中年好聲音 2》「中 2 生」演出，還有《中年好聲音》首屆冠軍周吉佩，及「中１生」支嚳儀分別擔任白組及紅組領隊，爭奪紅白大戰冠軍殊榮。

紅白兩隊大戰
白組選手有譚輝智、黃劍文、劉威煌、陳俞霏、陳蒨葶、林若盈、王玥、梁浩賢、甘永傑；紅組選手有古淖文、顏米羔、安雅希、沈宗賢、陳燕娜、鄭梓浩、劉可、王學琳、尹新杰。評審方面，除了有肥媽、伍仲衡、張佳添及周國豐外，還有「小辣椒」谷婭溦加盟。

譚輝智一舞驚人
《中年 2》亞軍得主譚輝智再度挑戰自己，在領隊周吉佩帶領下，與劉威煌、梁浩賢及甘永傑跳唱 〈失戀〉 。雖然輝智全程努力又專注地跳唱，不過走位出現誤差，與隊友的 Timing 亦夾得不太準，變成經常「突圍而出」。
輝智再度挑戰跳唱，評審周國豐揚言想睇 playback 回味。「我想睇返一個人，嗰個人叫譚輝智咯！」谷婭溦則對輝智讚口不絕：「輝智，你真係完全解放天性，做返你自己喎！」除了成功解放四肢，輝智的搞笑細胞亦似乎被成功啟動，除了在比賽前信心十足地大叫「贏硬」，又害羞掩面外，當周國豐要求他扮顏米羔時，輝智竟紅著面搞笑謂：「脫之嘛，我 ok 嘅！」可愛度爆燈。

(左起) 梁浩賢、劉威煌、周吉佩、譚輝智及甘永傑跳唱 〈失戀〉 。

安雅希靚聲回歸
第二個驚喜落在一直被視為唱得之人的安雅希及劉可身上，二人在「夢遊星空下」分別獻唱 〈似夢迷離〉 及《彎彎的月亮〉，並同時獲得評審們高度評價。肥媽大讚：「安雅希把聲返咗嚟喎，一定有食飯喇！」伍仲衡說：「我鍾意嘅安雅希真係返咗嚟，你嗰種穿透力呀。」周國豐亦附和謂：「劉可或者安雅希都係將久違
咗嘅你哋再次帶返畀我哋，但黃劍文嘅哭腔去返譚輝智度喎。」似乎周國豐十分愛拿譚輝智開玩笑。

安雅希靚聲回歸！

女團男團勁搶鏡
「中二生」分別組成女團男團演出，分別是王玥、林若盈、陳蒨葶組成的「限定女團」Three Style，以及妖爆造型登場合唱的古淖文、尹新杰及顏米羔，尹新杰的一對魚網絲襪更是相當吸睛。張佳添說：「我人生第一次竟然見到男人 high 過見到女人，我要開始懷疑自己。係有少少出事位喺米羔度…… 你有啲似師奶。」又大讚 Three Style 是昔日女子組合 Freeze 及 Hotcha 的混合體，並揚言：「可以出道喇！」
兩大組合在「妖艷對決」中施展渾身解數鬥個你死我活，其中 Three Style 成員雖然位位都年過 35 歲，王玥更是三子之母，但三人不但身段美好睇得又跳得，而且更零違和地做出大量送心手勢，獲得評審一致好評。肥媽說：「女仔真係好齊，依家好多女團組合都唔夠佢哋嚟，邊個夠膽話佢哋 35 歲吖？」

三位妖男搞到張佳添話首次睇男人 High 過睇女人。

展鵬更開金口，獻唱《逆天 2》插曲 〈後悔萬年〉 。