【娛樂熱話】|趙璧渝大晒豐滿身材海邊拍美胸廣告!

趙璧渝 (Osanna) 繼在《逆天奇案》飾演「妹頭」及《法言人》Coco 一角，讓觀眾印象深刻外，近日更為美胸專門店拍攝新一輯廣告，盡顯女性線條美。廣告在海邊取景，身穿 deep V 薄紗晚裝的 Osanna 坐在海灘，邊俯身輕托香腮，豐滿身材極震撼。

拍攝當日，天氣雖不至寒冷警告，但因冇陽光同海灘大風，令 Osanna 不停流鼻水。「工作人員知道天氣狀況，同埋有機會濕身，有準備暖包、大毛巾。但我真係冇辦法貼暖包，因為啲衫實在冇空間，泳衣又好多個窿，跟住婚紗本身好窄。當日自己帶咗一件長羽絨，同埋一個暖壺。」為了著靚每件貼身衫，Osanna 拍攝前一日只飲流質食物、食藍莓同烚蛋，到當日則由朝到晚早只飲齋啡去水腫，肚餓才吃幾粒藍莓充肌。

談到美胸心得，Osanna 說：「除咗平日會做瑜伽運動外，最重要每星期搵專業顧問幫助，勤做療程。」

Osanna 曾因工作不穩，導致銀行戶口跌至三位數。現在《逆天奇案 2》現正熱播中，Osanna 由《逆 1》到《逆 2》飾演的「妹頭」，備受注目，Osanna 感覺入行 11 年，終於有一個里程碑。「由《逆 1》到《逆 2》，感激有展鵬大佬（陳展鵬）嘅帶領，令我哋 A Team 嘅默契、眼神、互相嘅信任度、演繹上嘅節奏等，都愈來愈自然合拍。妹頭呢個角色就成為咗我生命中好重要嘅里程碑，因為呢個角色令我得到好多，我好感恩可以同你哋呢個團隊一齊成長進步，好多謝觀眾支持。」