【娛樂熱話】《獎門人 Hug Hug 媽咪感謝祭》｜朱咪咪被型男輪住啜突變怕醜妹唔敢擘大眼？！

今個星期日播出嘅特備節目《獎門人 Hug Hug 媽咪感謝祭》主持陣容有「獎門人」曾志偉、「獎老」錢嘉樂、阮兆祥、麥美恩、林秀怡和林正峰。今集嘉賓陣容有熱播劇《逆天奇案 2》演員組成的「逆天奇案 2」隊，成員包括陳展鵬、林夏薇、方力申、劉佩玥、張頴康、馮盈盈、高鈞賢和梁小冰，對戰「朱隊友」隊的朱咪咪、陳煒、郭政鴻、袁偉豪、張振朗、范振鋒和梁競徽（唯唯）。

有機贏取入場券
《獎門人 Hug Hug 媽咪感謝祭》優惠多多，除有大量感謝祭貨品於晚上 9 點半節目播出後，在網購平台「鄰住買」開售外，觀眾於收看節目期間只要嘟一嘟螢幕上的 QR Code，便有機會搶到 999.9 足金玫瑰花和 5.8 萬封現金利是！此外，獎門人宣布下一集是本季《獎門人》最後一集，只要掃螢幕上的 QR Code，並完成指定任務，便有機會贏取下集《獎門人》入場券，總數共 200 張。

玩遊戲前，先擺 Super 甫士影大合照。

咪咪姐好艷福
久未亮相遊戲節目的咪咪姐玩得相當落力，在首個遊戲「開心無敵啜乒乓」中，除獲優待可以慢慢啜，還被展鵬點名對決啜乒乓，咪咪姐輸人唔輸陣豪言：「你夠膽就啜走個波！」她又命令展鵬不准擘大口，自己再慢慢啜走乒乓波，場面搞笑。
「開心無敵傳紫菜」同樣笑爆肚，咪咪姐先被兩大小生袁偉豪和張振朗夾擊傳紫菜，咪咪姐即時怕醜妹上身眼都唔敢擘大！之後獎門人再安排咪咪姐一人 VS「逆天 2」男子組，《逆天 2》總監製劉家豪亦有落場，玩埋一份。家豪哥一馬當先捉實咪咪姐傳紫菜，之後四大型男方力申、張頴康、高鈞賢和陳展鵬肉緊捉住咪咪姐輪住啜，引爆全場氣氛！

朱咪咪霸氣十足，警告展鵬要讓賽。

咪咪姐被袁偉豪等型男輪流夾擊。

展鵬扮色狼擒薇薇
「開心無敵落大閘」中，展鵬和薇薇組成最強視帝視后組合。兩人玩遊戲時默契十足， 除了多番神同步，展鵬還鬼馬地扮色狼撲向薇薇。薇薇亦十分玩得，跪地、趴地完全零介意。之後「開心無敵私人醒」更成為兩隊隔空罵戰戰場！其中一條題目是「講咗畀人掌嘴嘅說話」，煒哥先是寸爆小冰：「收檔啦！」小冰不執輸反擊：「做極都唔紅呀你！」之後戰火蔓延到盈盈和唯唯身上，盈盈寸爆近年在內地帶貨的唯唯。「你賣嘢全部畀人退貨，零營業額呀！」唯唯不甘示弱回敬說：「你套套劇擔正但全部仆直冇收視，除咗《逆天 2》！」笑爆全場。
另一條題目是「講出三級片名稱」，眾人發揮小宇宙創作出多個搞笑啜核戲名，包括「警花警棍有景轟」、「戰車戰神戰銷魂」等。

小冰（左圖左 2）同陳煒（右圖右 3）好有火花。

薇薇同展鵬玩遊戲好有默契。