【娛樂熱話】《香港婚外事》｜曾比特最忌女仔約會遲到暗示曾呆等 7 小時？

《香港婚外事》由《婚後事》四位主角陳自瑤（Yoyo）、賴慰玲、黎諾懿及羅天宇擔任主持。今晚播出的（4 月 26 日）一集《香港婚後事》邀請了為劇集《婚後事》翻唱主題曲 〈傾城〉 的曾比特（Mike）擔任嘉賓，他更罕有地在螢幕前分享愛情觀及對婚姻的看法。

曾比特分享愛情觀
今晚一集，Mike 以神秘嘉賓身份彈著結他出場，Yoyo 聽到結他聲，一秒即估中 Mike 是嘉賓。她大讚有才華的男人有魅力，Mike 還會自彈自唱 〈傾城〉，令在場人士聽出耳油！隨後諾懿、 Yoyo 等人化身小記者，追問 Mike 的感情觀，包括對結婚生子願景和規劃，以及探討十大男生最討厭女生行為等。
談到婚姻議題， Mike 有感結婚在現今社會變得形式化，並謂伴侶相處溝通才是最重要。「結完婚都可以離婚，只係一張紙。如果同佢好 close 、大家相處好有愛嘅話，結婚係令大家段關係更加昇華。相反，本身唔係相處得特別好，結婚只不過係將呢個形式轉去第二個形式，冇解決過問題。」Yoyo 問到將來可會跟伴侶生兒育女時，他坦言：「未有資格成為一個爸爸。」究竟 Mike 何出此言？

Mike 罕有地分享愛情觀及對婚姻睇法。

自爆最討厭女生行為
黎諾懿和羅天宇本集還有額外任務，就是盤點網絡十大男生最討厭女生行為。二人揭曉答案前，訪問了 Mike 的想法，他指最怕女生約會遲到，並搞鬼以「我個朋友」身分，分享曾等足 7 小時的深刻經歷。
問到 Mike 可接受監控狂女友時，他直言不介意遭另一半查看手機，大前提是頻率問題：「半個鐘睇一次就 over 得滯！點樣令佢有安全感，呢個可能係我嘅責任。」及後黎諾懿又拋出情境題「如果你有個女朋友話『我唔鍾意你個頭，剪咗佢？』你 O 唔 OK？」，Mike 全部有問有答，到底答案是甚麼？

大家齊齊探討十大男生最討厭女生行為。

賴慰玲首日拍攝宿醉
本集焦點除了落在嘉賓身上，作為主持的賴慰玲和羅天宇亦成為被爆料及「攻擊」對象！阿賴被爆酒量淺，在拍攝節目的第一天已因宿醉嘔吐。黎諾懿遂踢爆阿賴前一晚，僅喝了兩杯啤酒。「隔咗咁耐，以為講笑，點知真係嘔！我哋真係錫佢，冇拍到佢嘔，點解唔拍佢嘔呢？」
至於天宇則躺著也中槍，瘋狂被眾人輪流「攻擊」玩暗寸，連環被說：「咁你呢？鍾意咩類型？」、「你講就最有公信力」等，搞到天宇尷尬又無奈，不停傻笑。經過一輪猛烈夾攻，天宇大談對「公病」及「拿前任來比較」等討厭行為的看法。

賴慰玲飲了兩杯啤酒，翌日拍節目中途，需要行開去嘔！

被黎諾懿爆料，搞到賴慰玲好尷尬。

羅天宇（中）被 Mike 反客為主，追問感情事。